【比利時又點只得朱古力同窩夫】
一聽到比利時，大部份人第一時間聯想到就係朱古力同窩夫，呢兩種國民美食又好容易令人覺得比利時既人都係肥肥地，喂！高糖高脂喎！
非也非也！查實比利時好注重健康，大學會有好多體育課程，而且仲要係超級平同抵玩！街上面都有好多健身公司任君選擇，再加上比利時既保險公司都好著眼健康，所以如果你報左運動課程都會補貼返你小小！
仲有仲有！小妹住既地方雖然唔係大城市，但因為運動健康呢個概念實在太普及，所以周不時都有跑步比賽！而我呢～當然第一個舉手參加啦！
Dwars Door Hasselt 2018！呢個比賽有3k，5k，10k，15k俾你揀，大人細路都玩得！重點係我係學生關係，學校幫你比埋報名費！正唔正先？成個比賽都好唔似比賽，反而似嘉年華！好多人係跑步賽道兩旁觀賞賽事，仲有好多人義務表演音樂為大家加油！仲有既就係呢度既風景太靚啦！跑緊個時你會覺得你係欣賞緊沿路風景多於比緊賽。
呢次既10K比賽跑得好舒服，雖然氣溫得個5，6度，但係比起香港乾燥得多，所以所以！我竟然做出個人最佳成績！47分鐘完成10K！係開心既！
好啦，是時間轉一轉語調。
呼！來了比利時不知不覺已經差不多兩個多月，時間比想像中過得快很多，常覺得，時間，你可否靜止下來，好讓我慢慢細味這裡。我不是不想家，不是不想回港，可這陣子心裡就是七上八下。
實在太愛現在的生活。
每天起床，不是因為責任或壓力軀使自己而去做一些根本不愛做的工作，而是因為真心想做的事。讀書，本不是我來的初衷，可漸漸發覺自己很是享受當學生，學習新知識的感覺。空餘時做做運動，煮一些自己愛吃的東西，和朋友到處走走。
人生啊，其實不就是這麼簡單嗎？
說實的，作為一個窮學生，我沒能力為自己買些什麼特別的東西也不需要，也不能常常旅行去，畢竟錢有限。可是這反而令我明白何謂真的活在當下。珍惜這刻所擁有的，因為所有事情都不是理所當然。時間會一直走，你抓不住它，那唯有抓緊力氣，盡力地活好每一天。
對呀，不是我懶而沒有更新專頁，而是我每天都過得太過充實，時間可不夠用呢！我不敢去想一年半後讀完書前路會是怎樣，我只想在這裡好好過每一天。
你呢？你的每一天可好嗎？充實嗎？
**相片取自Dwars Door Hasselt 2018大會
Facebook專頁：https://www.facebook.com/backpackersopoor
Search